انتصارات اكتوبر والرئيس محمد انور السادات

انتصارات اكتوبر المجيد وخطابات الرئيس السادات


(( وربما جاء يوم نجلس فيه معا لا لكى نتفاخر ونتباهى, ولكن لكى نتذكر وندرس ونعلم أولادنا وأحفادنا جيلا بعد جيل , قصة الكفاح ومشاقة, ومرارة الهزيمة و ألامها, وحلاوه النصر وآماله, نعم سوف يجئ يوم نجلس فيه لنقص ونروى ماذا فعل كل منا فى موقعه .... وكيف حمل كل منا أمانته وأدى دوره, كيف خرج الأبطال من هذا الشعب وهذه الامة فى فترة حالكة ساد فيها الظلام, ليحملوا مشاعل النور وليضيئوا الطريق حتى تستطيع أمتهم ان تعبر الجسر ما بين اليأس والرجاء ... )) 0

الرئيس محمد انور السادات
جزء من خطاب الرئيس السادات فى افتتاح الدورة الاستثنائيه لمجلس الشعب 16/10/1973

-------------------------------------------------
اجزاء متفرقه من خطابات الرئيس محمد انور السادات بعد نصر اكتوبر المجيد



-------------------------------------------------------
--------------------------------------------------------
يا حبيبتى يا مصر



------------------------------------------------
------------------------------------------------
وقد كنا نطمئن بعطف العالم ونحن الان نعتز باحترامه واقول لكم بصدق وامانه اننى
افضل احترام العالم ولو بغير عطف على عطف العالم واذا كان بغير احترام
----------------------------------------
و كنت واثقا انه سوف يجى يوم تظهر فيه الحقيقه لغيرى كما كانت ظاهره لى
وحين تظهر الحقيقه ان الناس سوف يعرفون وسوف يقدرون واحمد الله واحمد الله

الرئيس محمد انور السادات

وسوف اتذكر ولن انسى ابدا هذه الكلمات الذى قالها لنا زعيمنا الرئيس محمد انور السادات وسوف يظل فى قلوبنا مهما طال الزمااان
--------------------------------------------------

تحيا لرجل حكم مصر ولم يكن يخاف احد غير الله سبحانه وتعالى

تحيا لرجل استعاد كرامه هذه الامة وسط الشعوب بنصر اسطورى وكما قال عنه
ان التاريخ العسكرى سوف يتوقف طويلا بالفحص والدرس حول معركه السادس من اكتوبر

رحم الله البطل الشهيد الرئيس محمد انور السادات
رحمك الله وجعل مثواك الجنة
خلص الكلام والسلام ختام
حسام مراد

التاج هو جانا التاج اهو جانا

التاج التاج التاج

اهو جانا التاج , التاج ده مررهولى ابو صلاح صاحب مدونه تنفيس وانا احب اشكره ع التمرريه دى

واعتذرله ع التأخير عشان بجد كنت مشغول بعمل مدونه جديده اجلوكو وكمان ده اول تاج فى حياتى التدوينيه فكل ما يجيلى تاج هافتكرك ابسط يا عم محدش قدك حد يطول هههههههههههههه

بسم الله نبداء الاجابه
لو قالولك اختار عصر من عصور مصرعلشان تعيش فيه تختار اى عصر و فى عهد اى حاكم .. واشمعنى ؟

هاختار عهد محمد على لانه هو مؤسس الدوله المصريه الحديثه وعمل حاجات كتيره اوى لمصر

وعرف ازاى يتعامل مع الشعب المصرى وكمان عرف ازاى يتدرج فى المناصب حتى تقلد السلطه

وكان بيطلقوا عليه لقب مستغربه اوى اللى هو المستبد العادل

اول اولويه فى حياتك عيلتك ولا شغلك ولا اصحابك ؟
اول اولاويه فى حياتى عيلتى واصحابى وشغلى ع الترتيب

ايه اكتر حاجه بتحبها فى رمضان ؟

لمه العيله ع الفطار دى جميله جداا

وبحب جو رمضان اوى العبادات وكده لما نتقابل انا واصحابى باذات فى العشره الاواخر ونصلى التهجد ونتسحر مع بعض بجد ونروح ع الصبح بيتبقى ايام جامده جدا , بموت فى شهر الصوم والعبادات

كمان حاجه بحبها فى رمضان الوقت والتنظيم لانى بنى ادم ملخبط جداااااا بفطر فى وقت غريب واتغدى واتعشى بمذاجى

فرمضان بيظبطلى وقتى جدا الفطار بميعاد والسحور بميعاد

اوصف ليا اجمل فطار ممكن تفطره ؟
اجمل فطار ممكن افطره مع العيله

بس اهم حاجه العصيييييييييير ثم اى اكل يجى قدامى

لان الاكل فى رمضان هو هو فى غير رمضان مش تفرق خاااااااالص

لو انت حاكم على مجموعه من الافراد هتكون عادل؟؟ طب هتعمل ايه عشان تتأكد انك حاكم عادل؟
بص يا عم يا اللى سأل السؤال انت

انا بطبيعتى بكره كام حاجه منهم واولهم الظلم وبعد كده العند والغباء

واللى اتظلم قبل كده عمره ما هايظلم حد

فان شاء الله مش هاكون ظالم وكمان هشوف فى عيونهم انى ظالم ولا لأ

اللى بيبوظ الحكام .. نفسهم؟ ولا الشعب؟ ولا الحاشيه المقربه؟

اللى بيبوظ الحكام يجى فى المرتبه الاولى الحاشيه الفاسده المقربه الخائفين على مناصبهم ثم صمت الشعب الراضى ثم يأتى الحاكم بقدسيته بعد كل ذلك

مين أكتر اعلامي مصري بتحترمه؟
مجدى مهنا

قريت ديوان عمر مصطفى صاحب بلوج تجربه " اسباب وجيهه للفرح" عن دار ملامح و لا لسه ؟؟ لو اه ايه رايك فيه؟؟

لا بس سمعت عنه كتير من مدونه دكتور زيفاجو وشفت الغلاف وتقريبا جزء من قصيده - لا تشبكيني والنبي

لو ممكن تشتغل شغلانه تانيه غير اللى انت بتشتغلها او كنت بتشتغلها كنت تتمنى تبقى ايه؟
بحب الهندسه المدنيه مش عارف ليه

والاخراج اهى دى الحاجه اللى نااااااس كتير متعرفهاش نفسى اعمل دراسات حره فى الاخراج حاسس انى ليا رؤيه ممكن اعمل بها حاجه

بس انا راضى عن الشغل اللى هاتشغله ان شاء الله وحبه جداااااااااااااا كمان

ايه تانى بلد تتمنى تعيش فيها بعد مصر؟
مصر بجد مصر

مش عارف اصل انا فقرى مش هاعيش غير فيها

ولو اتفسح يعنى اروح فرنسا او اسانيا ونفسى اروح لندن

اوصف ليا ترتيبات اجمل فرح ممكن تحضره ؟
اى حد يكون عزيز عليا ساعتها اقعد اختار والبس البدله الجامده واختار الجرافته الجامده

بتراعي كلام الناس والقيل والقال؟ لو اه او لو لا قول لى ليه؟

ما بتفرقش لان كلامهم ولا بيقدم ولا بيأخر

ولو كان بيقدم او بيأخر كان زمانى انا مش انا

مش بهتم بكلامهم

صحيت من النوم ما لقيتش الموبايل ولا الكمبيوتر ولا الكاميرا الديجيتال ولقيتنا رجعنا لعصر الحمام الزاجل والحصنه هتكون سعيد؟
مش هاكون سعيد خاااااااااااالص اول حاجه انا مدمن نت وما اقدرش استغنى عن الموبايل ولا الكاميرا ابدا لانى من النوع الى بحب اسجل ذكرياتى فوتوغرافيا

بس اا لو اتولدت من الاول كده هايبقه عادى بس مش ممكن تجيب واحد من 2007 وترميه باله الزمن ورا انت كده بتموته

بالمناسبه انا ليا موضوع اسمه اله الزمن سافرت و جربت الحوار ده ومعجبنيش ههههههههههههه

السعاده هى؟
السعاده هى لما تحس بالبهجه ويكون قلبك مطمن مش قلقان وتكون راضى وقنوع والسعاده بتختلف من واحد لاخر عشان مقياسه بيختلف

والسعاده دى شئ مش ملموس يعنى مش ممكن اقولك ده سعيد او ده

بس اللى اقدر اقوله لك ان السعاده تأتى عندما يرضى الله عليك وبالتالى ترضى على نفسك وبالتالى تكون سعيد

هى دى السعاده

عندك أمل ؟؟ أسبابك ؟
ياه ده انا كلى امل ودى مشكلتى فعلا متفائل على طول وكلى امل

والاسباب هي الحياه ماينفعش واحد يعيش فى الدنيا من غير بنزين وبنزين الحياه هو الامل والتفائل

لما تحب تهرب من كل شئ بتروح فين ؟
الوحده بحب اقعد لوحدى وساعات بجد اروح البحر اقعد قدامه بس مش زى المجنون بكلمه لا بكلم نفسى جنون برده صح ؟

امتى أول مره خدت فيها نفس طويل كده وقلت بينك وبين نفسك يااااه الظاهر انا فعلا كبرت ؟
من بتاع سنه كده اول ما اتلاقيت نفسى عندى 20 سنه اتخضيت جداااااا

لما بتعمل عمل خيرى بيكون ايه هو دافعك الاول ؟
دافعى الاول هو رضا الله عنى وغير كده انا ممكن اعمل خير ايه اللى يمنعنى عنه يعنى ما دام انا قادر خلاص اعمله

بتشرب سجاير ؟ لو الاجابه اه ايه شعورك لو شفت ست بتشرب سجاير ؟ وليه ؟
الحمد لله ... لا
بصراحه بضايق بس برجع اقول يعنى ايه الفرق بينها وبين الراجل الاتنين واحد وما دام انا قبلت كده للراجل يبقه اقبل كده للست يعنى من الاخر مش تفرق معايا خاااااااالص

بتعرف ايدك اليمين من الشمال ازاي ؟
ايه ده السؤال ده مادرستوش فى الكليه ... ده مقرر ده ولا ايه ؟

ع العموم بعرفها لما اجى امسك الماوس او لما اكل او لما اسلم

ايه اكتر اله موسيقيه بتحبها ؟
الجيتار ولو موسيقى عموما بحب الميكس ولما يكون معمول صح وبحب مزيكا عمرو دياب اللى بيوصفوها بمزيكا البحر المتوسط

فى رأيك ليه الذوق والنخوه اتعدموا ؟
ومين قالك انهم اتعدموا زى ما فى بنى ادمين ماعندهمش ولا ذوق ولا نخوه ولا اى حاجه فى برده ناس كلهم ذوق وكلهم نخوه

ايه الحاجه اللى لو حصلتلك تبقى سعيد قوى ؟؟؟
حاجات كتيره بتخلينى ابقه سعيده

لما احقق حاجه كنت بحلم بيها واكتر حاجه هاتسعدنى لما احقق هدفى فى الحياه

تختار يبقى عندك...ارض زراعيه ولا اجنس عربيات و لا كام عماره و لا فلوس فى البنك ؟؟؟؟
انا بحب العربيات جدا فطبعا هاختار اجنس عربيات وبالطبع فلوس بالبنك عشان لو العربيات اتخبطت هههههههههههههههههههههههههه اصلحهم

البحر و لا النيل ؟؟؟
البحر طبعا بعشقه بالذات بلليل

والنيل برده تحفه بلليل

مركب و لا طياره ؟؟
طياره

مجنون و لا عاقل ؟؟
مش عارف بس احتمال قريبا ابقه مجنون

تقرأ كتاب و لا تتفرج عليه فيلم ؟

بص انا بعشق السينما جداااااا وفى نفس الوقت بعشق قرايه الروايات جدا

بس الكتاب ليه حاجه كده بيعيشك فى جو , صعب المخرج او الممثل ايا كان يعيشهولك

بتمرر التاج لمين ؟؟؟
امرر التاج ده لمين اممممممممممممممممممم امرره لـــــــ

سدرة المنتهى , هات ودنك , عايز يتجوز , فضفضه من مجنون , الاغلبية الصامتة , جمهورية فرحات

الكلام نوعان كلام فارغ وكلام مليان

اى حد غير الناس اللى مررتلهم التاج وعايزه يتفضل مش هانقول لا

يلا كل سنه وانتم بخييييير

وخلص الكلام والسلام ختام

حسام مراد

AGLOCO™ اجلوكو مدونه جديده

AGLOCO™

اجلوكو مدونتى الجديده
زورونا واعرفوا ايه هو اجلوكو
دووووس هنا و شوفو وانضم لمجتمع اجلوكو

http://agloco-global.blogspot.com/

بقيت عم ياهووووو

بقيت عم ياااااهووو

الحمد لله

اخويا حسن ربنا رزقه بمولود سعيد بييبى زى العسل


اسمه حسام

ادعوله
يارب يجعله عبدا صالحا مطيعا لوالديه مفيدا بلده ودينه
اللهم اميييييييييييييين



اللهم اميييييييييييييين

صيف ساااخن جدااا واشياء اخرى

وخلص الصيف والحر ... خلص الصيف الساخن جدا


وخلص الصيف خلص بحره ببحره بميته بزحمته بدوشته بحلاوته بملله بكل حاجه حلوه او وحشه فيه ولكن كان صيف ساخن جدا فى كل حاجه

بدايتا من السينما والافلام كانت ساخنه جدا ومنها الممل والرخم واللى مالوش لازمه برده جدا ومن صيف السينما الساخن الى الاحداث السياسيه الساخنه على الساحه المصريه وحروب العطشانين بجراكين الميياه واجازات الوزراء فى بيسينات مارينا الممتلئ برده بالمياه شوفت الصدف !! وغيره وغيره

ونجرى جرى الوحوش على يوم 7/7/2007 هذا اليوم التاريخى فى هذا الصيف الزى اقبل مئات بل الوف وملايين الافراد والعشاق لاقامه عقد قرانهم فى هذا اليوم وايضا اقيم فى هذا اليوم ( وما اكثر ما اقيم ) اقيم الحفل الضخم الرائع لاظهار نتائج الاستطلاع الذى اقيم لاختيار عجائب الدنيا السبع فى لشبونه

ونجرى جرى الى افتتاح مستشفى سرطان الاطفال 57357 والمجهودات المبذولة من تكاتف جميع طوائف الشعب المصــ.... والخ والخ والخ الى ما اقيم ..الخ


نأتى هنا وما احلى هنا ناتى الى صدور البوم الميجاستار قول جيجا يا عم الهضبه الفنان بلدياتى
عمرو دياااااااااااااااااااب بووووووووووم

الليلا دى
قالوا ياما ان القمر عالى وبعيد والملايكه مستحيل تلمسها ايد وانا الليلادى كل د....
كل ده !! ده ايه ده دا انا بكتب بوست
معذره ع الفاصل الغنائى

بجد كان صيف ملئ بالاحداث الساخنه جدا والمتنوعه جدا على كافه المجالات المختلفه فى مجتمعنا وكانت احداث صيفيه ساخنه مثل حرارته
ولن يتبقى لنا هنا سوى ذكر بعض ذكريات هذا الصيف

ويروح صيف ويجى صيف وفى كل صيف ذكرى تفكرنى بالصيف اللى فات باحلى حاجه مرت فيه بوقت لطيف اقعدنا فيه بيوم جميل قدناا

اللى هو صيفى انا

دوووول حبه صور فى الصيف ده ليا ولصحابى هاضطر ارخم عليكو شويه عايز اتكلم على صيفى انا واللى حسيته فى الصيف واللى تابعته من اخبار عامه فى اى مجال فعشان كده هانهى البوست ده بصور ليا واصحابى برده فى الصيف ده بس اما الحكايات والحواديت لو اجت فرصه فى بوستات جايه ان شاء الله

صوره فى تعليق
===========
-------------------------------------

منظر عام لبورسعيد حبيبتى من فوق من

Google earth



-------------------------------------------
الصيف السنه دى كان هنا وفى حتت تانيه كتير بس مش بره بورسعيد



------------------------------------------
انا والعزازى واللى ورا منعرفهمش



---------------------------------------------

اوعى رجلك يابنى هانتبل ميه



----------------------------------

وبداء السبااق


.
--------------------------------

مين ده !؟


ايون صح
.
--------------------------------



.
----------------------------------------------

اخر تناكه مش عارف على ايه ده انت حافى يا اخى


.
--------------------------------------

وكمان لله ع البيسين


.
---------------------------------------

fantastic 4
ايون هما 5 بس فى واحد كان معدى قال لما اخد صوره


.
---------------------------------------

الحق دى قلبت مصارعه حره و رومانى


.
--------------------------------

يا عم ارحم الواد



البقاء لله

-------------------------------------------
----------------------------------------------

الحق دى قلبت رقص كمان




-------------------------------------------
----------------------------------------------

ايوه كده اهدى اعزازى الواد مش قدك خليك طيب كده اومال



-------------------------------------------
----------------------------------------------

ونرجع تانى للميييه



-------------------------------------------
----------------------------------------------

شوف الـ ستارت ده ولا عبد اللطيف هيف فى زمانه اوعى وشك



شوفتنى وانا بعمل استارت
-------------------------------------------
----------------------------------------------

وابتداء تانى السباق بس كل واحد على طريقته انا والعزاازى



-------------------------------------------
----------------------------------------------



-------------------------------------------
----------------------------------------------

اوعى يا بنى هاتقع عليا



آآآىىى



-------------------------------------------
----------------------------------------------
سبونى بقه اخد فرصتى





-------------------------------------------
----------------------------------------------
محدش يعصبه يا جماعه


.


-------------------------------------------
----------------------------------------------
ياااااااااااااااااااه الجو الصبح كان حر اوى



-------------------------------------------
----------------------------------------------
بقيييييييييييييت فحمه متحركه



-------------------------------------------
----------------------------------------------

حسام مراد - احمد العزازى


-------------------------------------------
----------------------------------------------




----------------------------------
...........................................................

وخلص الصيف خلص بحره ببحره بميته بزحمته بدوشته بحلاوته بملله بكل حاجه حلوه او وحشه فيه ولكن كان صيف ساخن جدا فى كل حاجه

وكل سنه وانتم طيبين

وخلص الكلام والسلام ختام
حسام مراد

تذكرتين سينما و كده رضا

تذكرتين سينما وواحده كمان ويبقه كده رضا

تلك الحاله المزاجيه عندما تشاهد فيلما وتخرج وتقول كده رضا
لقد اتفقت مسبقا على ميعاد مع اثنين من اصدقائى لمشاهدة
فيلم كده رضا
تدور احداث الفيلم حول ثلاثه توائم يحملون نفس الاسم ولكن مختلفين فى الطبااع

" ولاسباب خاصه جدا سجل هندى اولاده التلاته باسم واحد وشهاده ميلاد واحده
وكبروا رضا
ولان هندى كان دايما يتخلبط بينهم سما كل واحد باسم " البرنس! بيبو! سمسم! ا

ويستمر صوت الرواى لسرد الاحداث لكى يختصر العديد من المشاهد فى دقائق قليله تمر سريعا على الشاشة
وأعطت مقدمة الراوى خلافا لاختصار المشاهد رونقا جميلا لمقدمة وصورة الفيلم عند المشاهد



بيبو! مشجع متعصب للنادى الاهلى مرح ويعشق كره القدم

البرنس! حاد الطباع يميل للعنف فى التعامل مع الاخرين ويهوى ارتداء ملابس تعبر عن شخصيه

سمسم! طيب خجول ضعيف الشخصيه يسعى جاهدا لاثبات ذاته يهوى الكمبيوتر والانترنت


وان اصعب شخصيات الفيلم من حيث الكتابه والاخراج هو بيبو! فهو ليس طيبا مثل سمسم! ولا شرير مثل البرنس! فهو فى منطقه وسط بين الاثنين ولكن احمد حلمى اجاد تجسيد الشخصيات الثلاثه ع الشاشه وكانك تشاهد 3 اشخاص

ويدور احداث الفيلم فى قالب كوميدى رومانسى حيث يقع الاخوه الثلاثه فى حب ندى
و ندى تعرفهم كشخص واحد مثلها كمثل الحارة والمنطقه المقيمين بها وتقع الكوميديا هنا بتعاملهم مع الاخرين كانهم شخص واحد

منه شلبى الدور الانثوى الوحيد ااسند اليها شخصة سهله ولا تحتاج منها مجهود فأدته على الشكل المطلوب

خالد الصاوى بالرغم من صغر حجم الدور ولكنه مؤثر جدا جدا فى الاحداث فأثبت خالد الصوى انه فنااااان بكل ما تحتويه الكلمه من معنى فقد اثبت انه كوميديان رائع وممثل يجيد تقمص اى دور يسند اليه


وأكثر ما لفت نظرى نهايه احداث الفيلم الذى وضعها احمد جلال المخرج فى اطار بوليسى بطريقه الفلاش باك فى اخر ثلث ساعه من الفيلم بالرغم من سير احداث الفيلم فى اطار كوميدى رومانسى ولكنه قبل باستحسان وما كان بنشاذ

ولكن عندما خرجت من السينما وعند تلقى اول صفعه من الهواء الساخن خارج السينما تذكرت ع الفور فيلم
Lucky Number Slevin
شعرت بتشابه الاخراج وبنفس الطريقه وبنفس سير الاحداث فى اخر الفيلم بنظام الفلاش باك
ولكن ولا قصه الفيلم ولا اى شئ متشابهه بين الفليمين فقط طريقه الاخراج !!

وفى النهايه وبشكل عام ان القائمين على هذا الفيلم من الاخراج والسيناريو والمونتاج و الجرافيك حيث صمم الجرافيك طارق رفعت بحرفيه عاليه واداء احمد حلمى كان جيدا جدا فصناع هذا الفيلم قدموا لنا فيلم يستحق المشاهده قدموا لنا رضا فى ثلاثه اشخاص البرنس! بيبو! سمسم! مختلفين شعرنا بهم كمشاهدين واستمتعنا بهم
استمتعنا بحدوتة جميلة وبفيلم رائع
كده رضا


احمد حلمى
احمد حلمى اداء جيد فنان يتطور يوم بعد يوم يعرف ما يريد يسير بخطى ثابته فى عالم السينما يتقدم يوم بعد الاخر والاهم انه لايستخف بعقليه جمهوره ولذلك فانه يحتل المركز الثانى فى الايرادات بعد فيلم مرجان احمد مرجان بايرادات تفوق ال17 ميلون جنيه فى الاسبوع الرابع فقط

انا عجبتنى شخصيه البرنس! جدا
انت عجبتك شخصيه مين بقه ؟؟

سيناريو: أحمد فهمى إخراج: احمد جلال بطولة: أحمد حلمى منة شلبى إنتاج: الباتروس والاخوه المتحدين مده الفيلم: 100 دقيقة

خلص الكلام والسلام ختام
حسام مراد

اللهم بلغنا رمضان

باقى ايام معدوده ويهل علينا هلال الشهر المبارك

شهر الخيرات والنفحات
شهر القرآن
شهر رمضان

اللهم بلغنا رمضان
وأعنا فيه على ..
الصيام والقيام والقرآن

كان النبي صلى الله عليه وسلم إذا دخل عليه رجب قال : "اللهم بارك لنا في رجب وشعبان، وبلغنا رمضان" رواه الطبراني.

فان شهر رمضان هو افضل شهور السنه

ان الله عز وجل خلق الأيام والشهور واصطفى من بين الشهور رمضان وفضله على باقي الشهور

واصطفى من رمضان ليلة القدر وفضلها على باقي الليالي في رمضان وهى ليله خير من الف شهر

نسأل الله أن يبلغنا ليلة القدر ويجعلنا ممن قامها إيماناً واحتساباً فغفر له ما تقدم من ذنب

ففى شهر رمضان تغلق ابواب النيران وتصفد فيه الشياطبن

عنْ أَبِي هُرَيْرَةَ رضي الله عنه قَالَ: قَالَ رَسُولُ اللَّهِ صلى الله عليه وسلم

: (إِذَا كَانَ أَوَّلُ لَيْلَةٍ مِنْ شَهْرِ رَمَضَانَ صُفِّدَتِ الشَّيَاطِينُ وَمَرَدَةُ الْجِنِّ، وَغُلِّقَتْ أَبْوَابُ النَّارِ، فَلَمْ يُفْتَحْ مِنْهَا بَابٌ، وَفُتِّحَتْ أَبْوَابُ الْجَنَّةِ فَلَمْ يُغْلَقْ مِنْهَا بَابٌ، وَيُنَادِي مُنَادٍ: يَا بَاغِيَ الْخَيْرِ أَقْبِلْ، وَيَا بَاغِيَ الشَّرِّ أَقْصِرْ . وَلِلَّهِ عُتَقَاءُ مِنَ النَّارِ، وَذَلكَ كُلُّ لَيْلَةٍ)

اللهم اجعلنا من عتقاء شهر رمضان

و فى هذا الشهر الكريم تتنزل الرحمات ويغفر الله لعباده الذنوب والسيئات

وان هذا الشهر ينبغي أن يشكل شهر مراجعة وتفكير وتأمل ومحاسبة للنفس لكل مسلم، إذ حينما يمتنع الإنسان فى
هذ الشهر الكريم عن الطعام والشراب، وبقية الشهوات التي يلتصق بها يوميا وان نتوجهه جميعا لله عز وجل

شهر الصوم

فيقول ربنا سبحانه وتعالى: { يَا أَيُّهَا الَّذِينَ آمَنُوا كُتِبَ عَلَيْكُمُ الصِّيَامُ كَمَا كُتِبَ عَلَى الَّذِينَ مِن قَبْلِكُمْ لَعَلَّكُمْ تَتَّقُونَ } (البقرة/183

(من صام رمضان إيماناً واحتساباً غفر له ما تقدم من ذنبه) متفق عليه

قراءه القرآن

وهو الشهر الذى انزل فيه القرآن

فيجب علينا الاكثار من قراءه القران ولكن ليس لطى الصفحات فقط ولكن للتأمل فى ايات واعجاز هذ القرآن الكريم

ولان قراءة القرآن الكريم التي ورد الحث عليها في هذا الشهر المبارك، لانه شهر القرآن وربيعه

قال تعالى: {شَهْرُ رَمَضَانَ الَّذِي أُنزِلَ فِيهِ الْقُرْآنُ}

وفي الحديث الشريف: "لكل شيء ربيع وربيع القرآن شهر رمضان"

الزياده فى إعمار المساجد فى هذا الشهر الكريم

فعمارة المساجد دليل الإيمان بالله واليوم الآخر

قال تعال{ إِنَّمَا يَعْمُرُ مَسَاجِدَ اللهِ مَنْ آمَنَ بِاللهِ وَالْيَوْمِ الآَخِرِ وَأَقَامَ الصَّلاَةَ وَآتَى الزَّكَاةَ وَلَمْ يَخْشَ إِلاَّ اللهَ فَعَسَى أُولَئِكَ أَن يَكُونُوا مِنَ الْمُهْتَدِينَ } التوبة18

وعلينا الاكثار فى الدعاء والذكر والاستغفار فان الله عز وجل واسع المفغره

{ وَإِذَا سَأَلَكَ عِبَادِي عَنِّي فَإِنِّي قَرِيبٌ أُجِيبُ دَعْوَةَ الدَّاعِ إِذَا دَعَانِ فَلْيَسْتَجِيبُوا لِي وَلْيُؤْمِنُوا بِي لَعَلَّهُمْ يَرْشُدُونَ } (البقره186)

و عن أبي هريرة، عن رسول الله صلى الله عليه وسلم قال
: ( ثلاثة لا ترد دعوتهم: الصائم حين يفطر، والإمام العادل، ودعوة المظلوم ) [رواه الترمذي

فاللهم بلغنا رمضان واعنا فيه على الصيام والقيام والقرآن

و نسأل الله تعالى أن يجلعنا ممن يتقبل صيامهم وصلاتهم وقيامهم على الوجه الذى يرضيه عنا

وان يجعلنا من عتقاء شهر رمضان

اللهم آآميين

ورمضااااااااااااااااان كريييبييييييييييييم

خلص الكلام والسلام ختام

المصادر ...ـ

islamway

islamonline

ومن تانى رجعت من تانى

وتانى رجعت من تانى لعالم التدوين

سلامى لكم جميعا

وحشتينى

ياااا

شغال

وحشتونى كلكم

عالم البللوجرز

واحب اشكر كل اللى سال عن سر غيابى فى الفتره اللى فاتت

وبجد لما دخلت المدونه بعد فتره من غيابى

اتلاقيت تعليقات تستفسر عن سر غيابى وبجد وانا بقراء التعليقات دى

مش قادر اوصف شعورى ساعتها

احساس جميل مجتمع واحد كلنا بنسأل على بعض

.

.

.

وتانى رجعت من تانى

ياااااااااااااااااااااااااااااااااااااااااااااااااااااااااااااااااااااااااااه

بجد وحشتوووووووووووووووووووووووووووووونى

وشغاااااااااااااااااااااااااااااااااااااااااااااااااااااااااااااااااااااااال

خلص الكلام والسلام ختام

دقيقة حداد

ليا رغبه انى اسمع دقيقة حداد

دقيقة حداد على الدنيا اللى عايشنها وفاكرين روحنا فاهمنها
لا ليها عزيز ولا غالى

سمعونى دقيقة حداد

دقيقه حداد لطارق الشيخ اللى يجيبها يكتب كلماتها هنا فى الكومنت او فى اى حته

المهم دقيقه حداد

بالله عليكو سمعونى دقيقة حداد

على كل حاجه

هاتوقف شويه عن التدوين بس مش هاقول السبب الدور ده

معلش انا عارف انى مكملتش شهر فى التدوين

بس هى الدنيا

بس دقيقه حداد

واعذرونى

.

.

.

خصل الكلام والسلام ختام او اى حاجه بقه
حسام مراد

امتحانات امتحانات والعاقبة فى المسرات

تحديث

.

امتحانات امتحانات امتحانات والعاقبة فى المسرااااااااات عند الجميع

هااضطر اسفا ان اتوقف عن التدوين لفترة الامتحانات

اول امتحان ليا يوم 19/5

ونهاية االامتحانات و آخر ماده يوم 16/6

ادعولى يا جماعه بالنجااااااح
خصوصا انا لسه عارف الجدول واسماء المواد اول امبارح بس فادعوووولى

.

و شغاااااااااااااااااااااااااااااااااال

خلص الكلام والسلام ختام

مدونون جدد واحلام جميلة

مدونات ومدونون جدد واحلام جميله ع الطريق

وادى واحد من الشله انضم لعالم التدوين

الاخ الصديق

السندباد

الف مليون مبروك يا باشا ع المدونه

مدونتى

http://mdwanaty.blogspot.com/

.

.

.

.

.

والمولود الجديد الاخر فى عالم التدوين

وهو رازى سليمان من صعييييييييييييييد مصر الارض الطيبه

الاخ الصديق

ابن الصعيد الهوارى باشا

الف مليون مبرووووووووووك يابووووووووى

مندرة الهوارى

http://razysoliman.blogspot.com/

.

بجد مدونات ومدون يستحقوا الزياره

يلا

سلاماااااااااااااات

.

.

خلص الكلام والسلام ختام

آلة الزمن

هاتعمل ايه لو معاك آلة الزمن ؟؟؟
هاتروح لعصر الفراعنة وتشوف بناء واحدة من عجايب الدنيا
ولا لبدايات القرن العشرين وافلام الابيض والاسود
ولا هاتروح المستقبل وتشوف بقيت ايه ؟؟؟؟؟؟
ولا اقولك دووووس راندووم وزى ماتيجى تيجى

آله الزمن يرجع معرفتنا لهذا المسمى ( آلة الزمن )ـ الى الاب المؤسس لادب الخيال العلمى وهو جول فيرن

وايضا لروايه باسم آلة الزمن لــ هربرت جورج ويلز فى عام 1898 ميلاديا

وآله الزمن هى آله خياليه للسفر عبر الزمن

وهى فكره شديده الغرابه فكره السفر عبر الزمن حيث تنقلنا من زمن الى اخر من حقبه تاريخيه الى اخرى و بالطبع لقد

شاهدنا افلام كثيره تحكى عن السفر عبر الزمن من خلال هذه الآلة ومن هذه الافلام

Back To The Future 1,2,3 / The Time Machine

وافلام اخرى كثيره حكت عن آلة الزمن ولكنها تبقى خيال علمى فقط واستحاله علميه تطبيقها فى الوقت الحاضر

ومع هذه الافلام البعض منها جذب انتباهك وتخيلت لو انت مكان هذا البطل وبداخل هذا الفيلم هاتعمل ايه ولا هاتغير من

حياتك ايه ولا هاتحب ايه ولاازاى ولا ولا ولا....... وتساؤلات كثيره طرقت على اذهاننا ولا هاتركب اي وسيله مواصلات يا ترى فى هذا العصر ( طبعا انت هاتخبى آلة الزمن فى مكان ما )ـ

ياترى هاتكون راكب حصان وعامل فيها كاوبوى زى

كيلنت ايستوود فى تكساس او غيرها ولا راكب عربيه طايره فى الجو زى بروس ويلز زى اللى فى العنصر الخامس

ولا كنت هاتحب ازاى !!!! زى محمد فوزى فى شحات الغرام ...ولا هاتحب على طريقه قيس وليلى .....ولا هاتركب

التيتانيك وتحب روز وتكون انت البطل الذى لم يرد اسمه على قوائم المسافرين على متن هذه السفينه العملاقه

ولا اقوللك اضبط زمن التاريخ وحدد المكان 7000 سنه مضت ورووووح لمصر روح للفراعنه لاجدادنا الفراعنه

وعيش تجربه بناء واحده من عجائب الدنيا السبع وهى الاهرامات وعيش

يااااااااااه بجد الواحد لو معاه آلة الزمن هايروح فين ؟و زمن ايه ؟ سألت نفسى كتييير اوى ومعرفتش اجاوب لانى عايز

اروح اماكن كتير منها واولها ايام الرسول واكون صحابى واحضر المعارك والغزوات معاه وعايز اشوف واروح حقب تاريخيه كتير.. بس جت

على بالى فكره جامده موت انا ليه ماعملها راندوم وزى ما تيجى تيجى اهى تجربه والحياه ايه غير تجارب ولعب فى

اله زمن

فراعنه شغال اهو نسلم على خوفو ورمسيس , المستقبل شغال برده اهو نعرف بقينا فين من العالم ولا احفادى فين من

المجتمع

يلا سلاااااام بقى ورايا رحله طويلة هااشد الحزاااااااااااام واشوووووف احفادكم بعد100 سنه

سلااااااااااااااااااااااااااااااااام

.

خلص الكلام والسلام ختام
حسام مراد

برشلونه ضرب كرسى فى الكلوب

الاهلى ومفهومنا للعالمية الزائفه

وانتهت مباراة الاهلى و برشلونة الاسبانى بفوز الاخير باربعه اهداف نظيفه فى اطار احتفالات النادى الاهلى بمرور مائة عام على تأسيسة

انتهت المباراة التى ظن وايقن البعض من جماهير الاهلى المتعصبين بانهم سوف يفوزون بسهوله فى هذه المباراة ولكنها انتهت بفوز الفريق الكتالونى باربعه اهداف نظيفه وتكون هذه المباراه خير دليل لهذه القله المتعصبه بان فريقهم ليس قادر على مجاراة الفرق العالميه مثل برشلونه والفرق الاوروبيه الكبرى

واثبتت هذه المباراة بان فريق الاهلى يحتاج الكثير والكثير لكى يصل إلى هذه المرحله من الاحترافيه والعالمية وان الفرق شاسع بين الاحتراف هنا والاحتراف هناك وان الكوره فى مصر وافريقيا عموما تختلف عن الكوره فى اسبانيا

واوروبا

ولقد حدثنى صديق لى عن الاعلام والجرايد وكم وهمو وخدعوا الجماهير وان الفريق الاحمر عالمى ولو لاقى اى فريق عالمى سوف يفوز عليه بسهوله وعن كاس العالم للانديه وكم هو تمنى ملاقاه الفريق الكتالونى فى هذه البطوله واتت هذه المباراه لى يقف ويقف الجماهير الحمراء على ارض الواقع من العالميه

ومن اهم اسباب هزيمه النادى الاهلى فى هذا اللقاء بهذه النتيجه الثقييييلة جدا

ان لاعيبه النادى الاهلى فاقدوا لثقافة الثقة فى النفس وليس على قدر كافى من المهارات والاحترافيه على مجاراه برشلونه

رغم ان الفريق الكتالونى لعب طوال المباراه على الواقف ومالوا الى لاستعراض

ولقد تمايل ناشئ الفريق الكتالونى فى الشوط الاول بلاعبى الاهلى بينما عماد متعب يمارس هوايته المفضله فى اهدار الفرص السهله

وانتهى الشوط الاول بهدفين مقابل لاشئ للفريق الكتالونى

وبداء فرانك ريكارد المدير الفنى لبرشلونه الشوط الثانى بالتشكيل الاساسى للفريق وانزال كلا من ليونيل ميسى ورونالدو وديكو وايتو الى ارض الملعب

وانتهى الشوط الثانى واللقاء باربعه اهداف لبرشلونه فى لقاء من طرف واحد وبجانب استعراضى للفريق الكتالونى

اتمنى من ادارة النادى ومن وسائل الاعلام ان لايوهموا هذا الجمهور بعالمية فريقهم وان يقفواعلى ارض الواقع

وبشكل عام ظهرت الاحتفاليه بالشكل المطلوب ولكن لم يستفيد الاهلى من هذا المباراة بشئ

بينما استفاد الفريق الكتالونى كثيرا منها واولها الـ12 مليون جنيه وازيداد شعبيه الفريق الكتالونى فى المنطقه على حد قول نائب رئيس برشلونه لان احتفالات الاهلى بالمئويه محط انظار الكثير من المتابعين للرياضه

قالوا بعد المباراة

ريكارد : ( فى الشوط الاول الفريق لعب بشكل جيدا جدا والمنافس كان الاخطر فى الشوط الثانى لكن بشكل عااام لقد ايدنا المطلوب جيدا )ـ

جوزبه : ( انتاب الاعبون رهبه شديده , وهذه عاده مصريه سيئه )ـ

حسام حسن : ( ان الفرق الكتالون لم يلعب بكامل قواة نظرا لان اسلوب لبعه مال الى الاستعراض أكثر من الجديه واذا كان برشلونه لعب بجديه اكثر لكان احرز المزيد من الاهداف )ـ

رووح وشوف الفريق الكتالونى كاتب ايه عن الماتش

وخلص الكلام والسلام ختام

منتهى اليمقراطية

منتهى الديمقراطية

هل نحن نعيش فى مناخ ديمقراطى ؟
هل نحن نتمتع بقدر كافى من الحريات ؟
نعم
وهل يوجد معارض دسيس خسيس هنا ؟!؟!!!؟؟!؟؟!؟

اوود فى البداية انا اسرد لكم تعريف الديمقراطية (لقيته فى كتاب عندى بيتدرسهولنا فى الكلية)ـ

التعريف
ـ(( اسلوب للحياة ونظام للحكم يقوم على قناعة كاملة من جميع مواطنى المجتمع البشرى بقيمة الديمقراطية فكرا وممارسة , وقناعة كاملة بمبادئها من حرية ومساواة وعدالة وان السيادة الكاملة للشعب دون سواه مع وجود اليات تجسد المبدأ الى واقع كتعدد الاحزاب والافكار التى تحقق سيادة الشعب ومصلحته العامة ))ـ

تعالو معى نتألم هذه الكلمات السابقة
اسلوب للحياة ونظام للحكم فعلا نحن نعيش اجواء مليئه بالحريات و الديمقراطية

وقناعة كاملة بمبادئها طبعا الحكومة تطبق جميع هذه المبادئ من حريات ومساواة فى الوظائف بدون وسائط من احد او لاحد وعداله فى القضاء الحر النزيه

والسيادة الكاملة للشعب دون سواه ففى هذه النقطة بالذات حدث بلا حرج ان الحكومة المصرية تطبقها كما يجب ان يكون واخر دليل على ذالك تعديل الدستور فتركتنا الحكومه نقرر ونعدل بل و نعيد صياغه الدستور كما يهوى الشعب بما يحقق له رغباته فى حياه كريمه مليئه بالحريات
منتهى الديمقراطية

مع وجود اليات تجسد المبدأ الى واقع كتعدد الاحزاب والافكار التى تحقق سيادة الشعب ومصلحتة العامة
ياااااااااااااه كم هذه الفقرة من هذا التعريف بسيطه اوى وجميله جدا لانها وبكل بساطه نحن من اوائل الدول فى العالم فى تجسيد هذا المبدأ بتعدد الاحزاب داخل مجتمعنا ومش كده وبس لالالالالا الاحزاب تتميز بما لا تتميز به احزاب اخرى فى اى مجتمع اخر فالاحزاب هنا فى مجتمعنا لها فاعليه واسعة وتخدم مصالح الوطن وتلبى رغبات الشارع المصرى

حقااااااااااااااااااااااا انها منتهى الديمقراطية

فلـ تحيا الحكومة وتحيا مصر ويحيا الجميع

خلص الكلام والسلام ختام

البقاء لله

لا اله الا الله
إنا لله و إنا اليه راجعون
تابع فيـــ مدونى بورسعيد

تاكسى حواديت المشاوير

تاكسى
حواديت المشاوير لــ خالد الخميسى

بطبيعتى مغامر فى كل شئ حتى فى شراء الكتب لاشخاص لا اعرف اسماءهم من قبل ولكن الفضول البشرى هو الذى دفعنى لاقتناء هذا الكتاب تاكسى حواديت المشاوير كم هو اسم جذاب يثير الفضول وكم منا له حدوته فى مشوار مع سائق تاكسى مشابهه لحواديت هذا الكتاب فحواديت هذا الكتاب قد جرت احداثه ما بين ابريل 2005 الى مارس 2006 .
فالكتاب عبارة عن حواديت وحوارات بين الراوى والسائق ما بين المخرج والبطل تدار بينهما هذه الحوارات التى يتناولوها بصدق بالغ وصراحه شديدة ونقلها لنا مخرج هذا العمل الابداعى بلغتهم الحية الفجة الصادقة ورصد لنا خلال هذه الفترة الاحداث السياسية والاجتماعية والاخلاقية والثقافية والرياضية وتطرقوا لكل اوضاع البلاد وغاصوا بعمق داخل مجتمعنا المصرى بكل جراءه .
فقد وجد هذا المخرج ابرع من يقوم بدور البطولة لعمله وهو سائق التاكسى وهم فئه لماحه وراصده لاحوال الشارع المصرى وعلى حد تعبير الكاتب فهم (ترمومترات الشارع المصرى) وصور هذا العمل ببلاتوه جميل تاكسى القاهرة الذى يجوب شوارعها ليلا نهارا من ارقى احيائها اى افقر حاراتها وتركنا نعيش معهم نشعر بألامهم نلمس احلامهم نعيش افراحهم ونتفق وقد نختلف مع ارائهم فبحق بانها ملحمه ابداعيه فى وصف مجتمعنا ورصد اراءه وافكاره .

من النادر جدا ان يتعرف انسان على مثل هذا السائق رجل فى الخمسين من العمر...متأنق الهندام...حليق الذقن...عطر الرائحة...صوته عميق وهادئ ...كاهن بوذى او زاهد فى الصحراء او يمكن ان يكون قديسا فى دير ناء .
هكذا وصف لنا الكاتب هذا السائق
...السائق : كل حاجة فى الدنيا دى لها جمالها... يكفى انك تفتح قلبك عشان تشوف الجمال اللى حوا لينا
ويتحدث السائق عن مصر وعن النيل وعن كل شعور بالخوف سوف يلحقه شعور بامل فى غد افضل .
أنا كل يوم بأخلص وردية التاكسى وأنا خايف....خايف على ولادى وخايف من المستقبل وخايف من الدنيا وبعد ما اخلص وردية الصيد ببقى كلى امل.. امل فى بكره وثقة ان كل شئ ح يبقى تمام وان ربنا مش ممكن ح ينسانا ده مصر مذكورة فى القرآن واحنا جند الله .... ازاى بقى ح ينسانا...مش ممكن.
ونحن كذالك لايمكن ان ننسى هذه الكلمات البسيطه وسنتذكر اسمه كما ذكره لنا الكاتب.....شريف شنودة .

وينهى كاتبنا حواديت هذا الكتاب بهذه الحدوته الملائكيه ويصف هذا السائق بالملاك الاسود ويشير الكاتب انه من الممكن استخدام صفه الاسود للاشاره الى النقاء خصوصا ان بطلنا هذا من اجمل بقاع مصر اسوان .
انا : ...............انت رسام ولا ايه؟
السائق :كنت بحب الرسم جدا ....اه كنت بارسم
انا :كنت !!......وليه سبت الرسم؟
السائق: يااااه....أنا سبت حاجات كتير قوى ... طول ما انت ماشى بتسيب حاجات وراك وعشان ترجع تانى مستحيل..... العقارب بتتحرك لقدام بس .
ويتحدث السائق عن الاشياء التى يهواها ويتحدث عن منزله
هو العش اللى طلعت بيه من الدنيا
ويستكمل حديثه عن هذا العش واصفا اياه .
انا ساكن فى دور ارضى فى القطامية عندى جنينه قدام البيت ..... زارع مسك الليل ولبلاب ودفونباخيا وجهنميه......وزارع كمان هبسكس بزهرة حمراء...دى بتقفل بالنهار وتفتح بالليل ... وأنا كمان غاوى عصافير , عندى قفص كبير فيه يجى عشرين عصفورة ....... وعندى كمان احواض سمك عندى فانتيل وجوبى وعامل قاعده عربى على الارض وحواليا حوض السمك والعصافير , وقدامى من الشباك باشوف الجنينه. باحس انى فى الجنه بعيد عن جحيم القاهرة .
أنا : اية الجمال ده كله .
مقتطعا حديثهم واتخيل هذه الجنه التى يعيش فيها هذا الملاك .
السائق :...... تعرف حضرتك وأنا فى بيتى بابقى خارج المكان وخارج الزمان عينى على السمك وودنى مع قزقزة العصافير وبشم فى الليل ريحه مسك الليل .
هذه أخر حواديت هذا الكتاب الرائع كم هذا السائق جميل وكم هذا الكتاب بسيط
واتمنى منكم قراءه هذا الكتاب تاكسى حواديت المشاوير
واوود ان انهى كلامى بجزء من مقدمة الكتاب لخالد الخميسى
فحضارة هذا الشعب تتجلى فى بسطائه , فهذا الشعب المصرى العظيم الرائع معلم بحق لكل من يريد ان يتعلم

قال الكاتب خالد الخميسى عن الموضوع

- سعدت جدا بقراءة مدونتك , وسعدت بالتاكيد على كلمتك عن كتابى , سوف أتابع كتاباتك فى مدونتك , تلك الظاهرة الهامة التى سوف تصنع عصرا جديد من ثقافة البشر - خالد الخميسى 12/04/2007.


فصل من الكتاب لمن يرغب فى قراءته
نبذه عن الكاتب / خالد الخميسى
خلص الكلام والسلام ختام
حسام مراد